Piçulis storiis prin de Vuere grande

I libris a son di sene tal Teatri gnûf “Giovanni da Udine”. Martars ai 10 aes sîs di dopomisdì, te suaze dal program “Foyer d’autore”, Marisa Sestito, za professore di leterature inglese ae Universitât di Udin, e presente “Torte di guerra. Storie piccole in una grande storia” (Tortis di vuere. Piçulis storiis intune storie grande. I events dal program a son une ocasion par cjatâsi e discuti argoments leteraris, storics, teatrâi, musicâi, artistics e di vuê cui autôrs. Une ocasion speciâl par infondâsi tai spazis dal teatri, adun cu la creadore de iniziative, Martina Delpiccolo, in storiis, tramis, personaçs, stîi, visions, poetichis e lenghis che a cjapin dentri diviersis formis di art. “Torte di guerra” e conte la storie di une famee boeme inte regjon dal Friûl setentrionâl, de fin dal diesim novesim secul fint ae Vuere Grande, là che lis storiis dai personaçs a son piçulis storiis imberdeadis inte storie plui grande. (A.I.) – 09.03.2026