Passe cinc milions pe culture chest an in regjon

Il vice governadôr dal Friûl-Vignesie Julie, Mario Anzil, responsabil de Culture, al à comunicât cualchi dì indaûr la aprovazion dal Consei Regjonâl dai bants culturâi anuâi pes propuestis in vore tal 2026. In dut, un stanziament di 5,435 milions di euros al cuvierzarà sedis avîs publics rinfuarçant la poie publiche al sisteme culturâl regjonâl. E cun dôs impuartantis novitâts: un bant di 100.000 euros dedicât ae percors che al puarte dongje di Pordenon capitâl da culture taliane dal 2027, e un altri stanziament speciâl cui stes bêçs pai Votcent agns de muart di S. Francesc di Assisi. Tal prin câs, li domandis a saran viertis dai 2 di Març e fint ai 31 dal mês in cors, e pe seconde dai 4 di Mai e fint ai 4 di Jugn. (A.I.) – 21.01.2026