Pasolini “tal infier”, ma al è dome un libri gnûf

“Una ragione di più per andare all’inferno” (Un motîf in plui par lâ tal infier”) al è il titul dal gnûf saç di Andrea Cortellessa dedicât a Pier Paolo Pasolini. Studiôs e professôr te Universitât di Roma Tre, al ufrîs une reinterpretazion origjinâl e ambiziose dal inteletuâl di Cjasarse, propit dongje de so cjase furlane, la Biblioteche civiche “Nico Naldini”. Il libri al sarà presentât martars ai 5 di Mai aes 6 di dopomisdì, te suaze dal tierç event de serie “Tra le pagine, Pasolini”, une rassegne inmaneade dal Centri Studis di Cjasarse. Gian Mario Villalta, il diretôr artistic di Pordenonelegge, al sarà in dialic cun Cortellesse, che al à sielt une ricercje “figurative” prime che leterarie, cjapant dentri e metint adun poesie, narative e cine. Cortellessa al larà ancje a fevelâ ai students tal IIS di Spilimberc miercus ai 6 aes 11 di buinore. (A.I.) – 04.05.2026