Pasolini, il gnûf libri di Pechin a Cjasarse

Cualchi dì indaûr, il libri al è stât presentât a Pechin tal Istitût Culturâl Talian de Ambassade taliane, ae presince dal ambassadôr Massimo Ambrosetti, dal diretôr Federico Roberto Antonelli, dal vice diretôr Daniele Galleni e dai curadôrs Luca Maria Francesco Fabris e Riccardo Maria Balzarotti. Cumò, daspò de presentazion internazionâl, il volum “Spazio Pasolini”, che al met dongje i articui dal seminari internazionâl inmaneât tal mês di Avrîl dal 2025 dal Centri Studis “Pasolini” a Cjasarse cu la Universitât Politecniche di Milan e la Sorbonne a Parîs, al rive tal cûr de tiere là che a son plui di ducj chei altris lûcs lis lidrîs ancje poetichis di Pier Paolo Pasolini. La presentazion publiche dal volum, jessût par Libria e curât di Luca Maria Francesco Fabris e Riccardo Maria Balzarotti, si davuelzarà joibe ai 30 aes 6 di dopomisdì te sale esposizions dal ex Municipi di Cjasarse. L’incuintri al è dentri dal program culturâl promovût dal Centri studis, che al è impegnât di agns a preservâ, studiâ e difondi il lavôr di Pasolini, in dialic cun universitâts, istituzions e centris di ricercje talians e internazionâi. (A.I.) – 29.04.2026