Pasolini: i archivis di Cinemazero a tor pe Italie

da Andrea Ioime

A vegnin dai archivis di Cinemazero lis imagjins identificativis di “Tutto è santo”, il titul che al cjape dentri lis trê grandis e prestigjosis mostris che Rome e dediche a Pier Paolo Pasolini intal centenari de nassite, a Palazzo Barberini, al Palaç des Esposizions e al MAXXI. La capitâl e je sfodrade cu lis fotos di Gideon Bachmann conservadis a Cinemazero, fatis intal 1962 dilunc di une session fotografiche su la terace di cjase Pasolini in vie Carini. I archivis di Cinemazero a son protagoniscj di altris iniziativis: la mostre “La solitudine dell’ala destra. Pier Paolo Pasolini e il calcio”, par cure di Piero Colussi, e rive a Mondovì fin ai 20 di Novembar; simpri in Piemont, a Artissima di Turin, Michele Spanghero al presente cierts lavôrs fats tacant dai archivis di Pordenone. A Milan, al gnûf spazi “Ferrobedò”, si davualç une mostre dedicade a “Salò”, cun fotografiis di Deborah Beer e di Arrigo Davoli sul set dal cine. (A.I.) – 14.11.2022

Lasse un coment

Redazion

logo

Editoriale Il Friuli Srl
P.IVA 01907840308

Regjistrazion al Tribunâl di Udin n. 9

dai 6 di Lui dal 2022

PRIN PLAN

Chest sît al dopre i cookies par miorâ la tô esperience di navigazion. Lant indevant tu acetis la nestre informative su la privacy. Acetâ Lei di plui