Pasolini e la Callas: ancjemò un mês di mostre

La mostre su Pier Paolo Pasolini e Maria Callas “Cronaca di un amore” (Croniche di un amôr), che dal Novembar passât e je daûr a riclamâ visitadôrs di dute Italie, e no dome, intal Centri Studis “Pasolini” di Cjasarse, e je stade sprolungjade fint a domenie ai 24 di Març dal 2024. Il sucès di public e lis domandis continuis a àn sburtât il Centri a slungjâ la viertidure, ancje parcè che a son daûr a tornâ lis visitis vuidadis a Cjase Colussi, la cjase museu di Pasolini e sede dal Centri, dulà che la esposizion e je state preparade, intal spazi dedicât aes mostris temporaniis, tal tierç plan. La mostre, traviers fotos origjinâls cetant preziosis, desenis e desenis di rivistis de epoche, autografs, manuscrits metûts fûr in origjinâl, e puarte il visitadôr indaûr intal timp e e torne a meti adun la “storie di amôr” fra Pier Paolo Pasolini e Maria Callas. (A.I.) – 26.02.2024