Pasolini e Dora Bassi a confront a Gardiscje

A tachin in vie uficiâl joibe ai 9 a Cjase Maccari a Gardiscje la mostre e il progjet “Pier Paolo Pasolini e Dora Bassi: eredità ai contemporanei”, ideade e fate dal Comun di Gardiscje cu la Associazion IoDeposito. Par esplorâ la ereditât culturâl che il rapuart tra la pitore e Pasolini a àn lassât sul nestri teritori, il progjet al à al centri une mostre di art contemporanie che e met in dialic un grup inedit di oparis di Dora Bassi, di pôc riscuviertis, metudis dongje des interpretazions di cuatri artiscj internazionâi di vuê. Ae inaugurazion, aes 6 dal dopomisdì, e sarà presinte ancje Jennifer Guerra, gjornaliste, filosofe, influencer e esperte di tematichis feministis. (A.I.) – 08.03.2023