Pasolini a Cjasarse intune mostre di foto di epoche

Une gnove mostre a Casa Colussi, sede dal centri studis “Pasolini” di Cjasarse, che e va indevant ancje inte seconde part dal an dedicât al Centenari dal poete. Sabide ai 9 di Lui si scree “Casarsa negli anni di Pasolini. La Terra di Rùstic Amour e le memorie fotografiche di una comunità (1930 – 1950)”. La esposizion e vûl evidenziâ la conession strente dal centri studis cu la comunitât di Cjasarse. La int dal paîs e à tirât dongje fotografiis di epoche che a ufrissin une conte par temis sui agns di Pasolini a Cjasarse: la vuere, i bombardaments aeris, il lavôr intai cjamps, la vendeme, lis sagris, il carnevâl, lis funzions religjosis, lis gnocis… . (A.I.) – 07.07.2022