La scritore todescje Esther Kinsky, contadore, poetesse e tradutore, une des vôs più altis e origjinâls de sene leterarie todescje, e sarà a Pordenon miercus ai 16 aes 6.30 sore sere intal spazioZero, la gnove sale polifunzionâl di Cinemazero, par presentâ il so gnûf libri “Di luce e polvere” (Di lûs e polvar), une declarazion di amôr al cine e un at poetic di resistence al so tramont, voltât dal todesc di Silvia Albesano. L’avigniment, organizât inte suaze di “Dedica Incontra” de Associazion culturâl Thesis, di Cinemazero e Iperborea, e viodarà la autore dialogâ cun Riccardo Costantini, il curadôr di Pordenone Docs Fest, daspò di une introduzion di Claudio Cattaruzza, curadôr dal festival “Dedica”. (A.I.) – 15.04.2025
Foto di I. De Maddalena
