Pape Francesc al centri de anteprime di “vicino/lontano”

Pôc prime dal inizi dal Conclave par sielzi il gnûf pape a Rome ai 7 di Mai, a Udin al è in program un apontament in anteprime straordenarie de rassegne “vicino/lontano”, dedicât al pape che nus à a pene lassâts, e metût adun cul centri “Balducci” di Çuian tacant dal teme dal festival, i “scarts”. Lunis ai 5 di Mai a Udin, te sale cunvignis de Fondazione Friuli, si fevelarà di “Francesco: uomini e scarti. La responsabilità della memoria”, cul presidente dal comitât sientific di vicino/lontano, Nicola Gasbarro, il president dal Centri Balducci, Paolo Iannaccone e i gjornaliscj Gianni Di Santo, Fabiana Martini e Gianpaolo Carbonetto. (A.I.) – 02.05.2025