46
Dut l’Istât par vivi il Palaç dal Fumet di Pordenon. A saran dîs lis setemanis di viertidure dal centri estîf dal Palaç pai fruts dai 6 ai 11 agns: une maniere creative par passâ l’Istât dai 9 di Jugn fint ai 5 di Setembar, in graciis des ativitâts inmaneadis cul studi Eupolis (informazions in rêt su: www.palazzodelfumetto.it). Ogni sabide e domenie a saran inmaneadis lis visitis vuidadis, tacant di chês ae mostre “Il segno di Magnus”, che e celebre un dai plui grancj e influents autôrs dal fumet, talian e no done. Al è simpri pussibil ancje visitâ il Museu dal Palaç par scuvierzi intes sôs vincj sezions dutis lis oparis origjinâls in esposizion, adun cun tocs di colezionisim e curiositâts. (A.I.) – 15.05.2025
