Trentesime mostre personâl pal artist Lorenzo Vale, nassût a Glemone tal 1973 e formât te Academie di Vignesie, che te Universitât de tierce etât “Paolo Naliato” di Udin al presente vinars ai 18 uns cuindis pituris a vueli e ancjetantis incisions fatis te Stamparie di art “Albicocco”. La mostre “Alla vita lieta, la lezione di Maria” e je nassude par celebrâ la impuartance di un incuintri e la esperience de amicizie, stant che e je buride propit de idee che a son incuintris bogns di fevelâ ancje cuant che a son restâts dome ricuarts, ma te forme plui alte de memorie. Lis oparis a son leadis dal teme comun des relazions jenfri oms e nature. Une ricercje artistiche svilupade di cualchi timp cuntun ecuilibri râr jenfri figure e sugjestion, ce che si viôt e ce che al reste sospindût. La nature, lis bestiis e lis figuris des oparis di Vale no son mai “realtât”, ma un rimant alegoric bon di fermâ il moment e tornâ a inventâlu cul colôr e mandâlu intun mont diferent, plui sclet. La mostre e sarà vierte fint ai 4 di Otubar dal lunis al vinars. (A.I.) – 21.09.2026
Om e nature tai cuadris di Lorenzo Vale
69