Odette Copat premi speciâl al Festival di Modena

Il premi speciâl dal Festival di Modene BUK 2026 al va a scritore Odette Copat, di Pordenon, autore di “Come si esprime un desiderio” (jessût Bompiani), pe sô capacitât di meti adun la sô esperience personâl e professionâl cu la disabilitât midiant di une scriture ironiche e fonde, sedi in chest romanç, sedi in altris sôs oparis. Il premi al va ancje pal so impegn personâl di sensibilizazion, mudant la sô esperience intune risorse coletive, par ducj, par capî la neurodiversitât. Il festival, che di 19 agns al è dedicât ae editorie taliane piçule e medie, esprimint i valôrs de “bibliodiversitât” midiant dal so program, al è in program par sabide ai 9 di Mai e domenie ai 10. Il premi Speciâl al sarà dât il prin dì ae presince de autore. (A.I.) – 30.04.2026