Nûf itineraris “a planc” pe Cjargne

Inte penultime setemane di Vicino/lontano mont, la rassegne estive dedicade ae mont furlane, miercus ai 24 a Salârs di Ravasclêt, a Cjasa da Duga, e je programade la presentazion di “Carnia, una guida” (Cjargne, une vuide): nûf itineraris “a planc” intes vals cjargnelis, contâts dal scritôr e animadôr culturâl Paolo Patui. Cul autôr, ancje la fotografe Ulderica Da Pozzo e il studiôs de Ete di mieç Angelo Floramo, par une cunvigne che e segne ancje la sierade de mostre fotografiche di Umberto Candoni “Così vicina, così lontana” (Cussì dongje, cussì lontane), vierte dai 29 di Lui. (A.I.) – 23.08.2022