Nassût tal 1929 e muart tal 2020, Nico Naldini al è stât un autôr che al à traviersât i gjenars e i lengaçs cuntune vôs origjinâl, buine di instreçâ la memorie personâl, il ritrat leterari e la riflession culturâl. Let dispès in relazion cu la figure dal cusin Pier Paolo Pasolini, Naldini al è stât un inteletuâl libar e autonom, cuntun stîl personâl e une vision che e meteve dongje lis lidrîs e une vision universâl par pandi une opare complesse e fonde. Il libri “Nico Naldini e Pier Paolo Pasolini. Eravamo fanciulli con le nuvole di aprile”, curât di Francesco Zambon e jessût par Marsilio, il decim cuint titul de golaine di cuaders dal centri studi tal non di Pier Paolo Pasolini a Cjasarse, nassût dai ats de cunvigne fate tal mês di Novembar 2024 te cjase Colussi, e je une conferme. Naldini al è stât une des figuris di ponte, ma mancul studiadis, dal secont Nûfcent in Italie. I saçs dal libri a son une avalisi de scriture, dai modei, des esperiencis tal cine dongje di Pasolini, ma ancje di dut ce che al à fat di bessôl pe promozion culturâl. (A.I.) – 20.04.2026
Foto di S. Genuzio
