Museus vierts pes fiestis a Pordenon

Pasche tal museu li dal Palaç dal Fumet di Pordenon, e no dome. La struture, di fat, e restarà vierte in ocasion des fiestis: a Pasche, domenie ai 20 di Avrîl, des 10 di buinore aes 8 sot sere, lunis ai 21 des 3 di dopomisdì aes 8 sore sere. I stes oraris di viertidure a saran vinars ai 25 di Avrîl e al Prin di Mai. Al sarà pussibil visitâ la gnove grande mostre “Il Segno di Magnus – Da Alan Ford a Tex”, cun cuasi 600 breis origjinâls che a vegnin di colezions privadis che a fasin di cheste esposizion une di chês plui completis sul innomenât dissegnadôr talian. Cun di plui, intes salis di Vile Galvani si puedin scuvierzi lis taulis de mostre “Casanova Henriette” di Renato Calligaro, in esposizion fint a domenie ai 27 di Avrîl. Simpri visitabil il museu dal Palaç dal Fumet, che al rapresente une struture uniche intal panorame museâl nazionâl, cu lis sôs vincj sezions e la fruizion interative e multimediâl. (A.I.) – 18.04.2025