Mosaics “pop” intune mostre pardabon speciâl

E rive a Udin une gnove mostre di mosaics che a son stâts fats intal centri regjonâl par personis adultis cun autisim “Officina dell’Arte” di Pordenon. La esposizion e met dongje lis oparis fatis di personis cun autisim che a vegnin di variis bandis de regjon, e no dome, e che a frecuentin il centri pordenonês, cul supuart di mestris mosaiciscj e di miedis. La mostre, titulade “Dalla POP art alla STREET art”, e sarà screade vinars al prin di Març aes 6 dopomisdì inte Casa della Confraternita sul Cjistiel. Al centri, no dome un artist, ma doi moviments che a àn savoltât la art moderne, svicinantle a un public plui larc e puartantle di là des formis e dai lûcs classics. (A.I.) – 29.02.2024