Mittelfest al torne ai numars di prime dal Covid

Dopo i doi agns de emergjence pe pandemie, Mittelfest al fâs il belanç su la trentesime prime edizion, di gnûf a plene capacitât e cuntun public entusiast. Puint tra culturis e farie di art e di gnovis oportunitâts di coesion in Europe, il festival al à alçât il sipari 114 voltis su 31 progjets artistics, cun 20 primis assoludis, 6 nazionâls e 326 artiscj rivâts a Cividât. I spetacui a àn segnât il 73% di ocupazion medie, il 31% in plui a pet de edizion 2019, la ultime pre-covid, e i abonaments a son plui che dopleâts, in graciis ancje di spetacui – al à sclarît il diretôr artistic Giacomo Pedini – “che a doprin un lengaç universâl e che a passin lis barieris de lenghe e de etât”. (A.I.) – 02.08.2002