“Mimesis”, incuintris di filosofie e no dome

Al tache vinars ai 24 e al va indevant fint ai 2 di Novembar “Festival Mimesis – Premio Udine Filosofia”, une manifestazion rivade ae decime seconde edizion, che e instrece filosofie, sience, poesie, cine, art e teatri. L’apontament, promovût de associazion Territori delle Idee par cure di Luca Taddio in colaborazion cun Damiano Cantone, al previôt incuintris a Udin, Gurize, Monfalcon, Tumieç e Çarvignan ator dal teme dal an: filosofie e trasformazion digjitâl. Un dai protagoniscj al è Luc Dardenne, regjist premiât al festival dal cine di Cannes, che al cjaparà il premi “Udine Filosofia 2025” adun cun Giorgio Vallortigara, neurosienziât di innomine internazionâl. Il prin dì, l’ospit al è Tommaso Ariemma, che a Tumieç al esplore il leam dai videozûcs cu la filosofie. (A.I.) – 23.10.2025