Marie, une poete di riscuvierzi

Poete e tiessidore, erede de plui innomenade Irene di Spilimberc, Marie di Spilimberc (1784-1847) e je stade cognossude de int dal so timp cul non di “Saffo moderne”, ma la sô figure e vignive lete in chê volte cul filtri dai stereotips dal Iluminisim, che a celebravin il gjeni feminin tant che une ecezion debile, dispès leade a une tragjedie. Dome sedis fruçons di poesiis a son restâts di un grup plui larc di rimis une vore penzis che a son stadis cjatadis, comentadis e analizadis di Giulia Caleò, storiche de leterature di gjenar de Johns Hopkins University. Une storie di un Friûl dal Siet e Votcent che e je stade tirade fûr de associazion IoDeposito, par un libri jessût par B#S Edizioni, presentât a Udin te biblioteche “Joppi”. Cheste edizion dal libri e je une part dal progjet “Illuminismo FVG”, puartât indevant cu la poie de Regjon F-Vj par recuperâ cualchi test che al è stât dismenteât e stiçâ un dialic bon ancje pal dì di vuê ator dai temis de paritât, la diversitât, la inclusion, tacant propit di vôs di feminis de leterature furlane ancjemò no valorizadis. (A.I.) – 09.03.2026