Maravee al siere il “circ” cu la mostre di Malnîs

Il Festival Maravee Circus 2024 al siere il so viaç acrobatic domenie ai 29, ultime zornade pe mostre titulade “In bilico”, visitabile cun jentrade libare intal Museu de ex Centrâl idroeletriche “A. Pitter” di Malnîs, a Montreâl. Curade di Sabrina Zannier e prodote di Maravee Projects, al è un viaç poetic ae ricercje costante dal ecuilibri fra om, nature e relazions sociâls. In esposizion il percors visionari di artiscj di trê gjenerazions, che tra ricognossibilitât internazionâl e gnovis promessis a tornin a dissegnâ l’orizont vincidôr de art contemporanie. (A.I.) – 26.09.2024