Marangoni e la art te citât dai cantîrs

Sabide ai 28 tal Museu dai cantîrs di Monfalcon si scree la mostre dedicade a Tranquillo Marangoni, incisôr, ilustradôr e artist furlan, autôr di oparis che a àn lassât un segn tal mont de art e de storie des nâfs. Ideade de associazion Aghe di Poc in colaborazion cu la famee Marangoni, la mostre e conte il leam dal artist cu la citât dai cantîrs, intun moment là che la art e cjatave spazi e presi ancje dentri dai transatlantics tirâts sù tal cantîr di Panzan. (A.I.) – 26.06.2025