Luigi Spazzapan contât a Milan de fie di Milva

Il grant Luigi Spazzapan al sarà memoreât a Milan vinars ai 23 in ocasion di un centenari speciâl, chel dal Expo dal 1925 a Parîs, là che l’artist di Gardiscje al veve concuistât une medaie di arint par une opare progjetuâl cun plui di cualchi intuizion. La capitâl lombarde lu onore cuntune conversazion ancjetant special che e viodarà protagoniste la critiche e storiche de art Martina Corgnati, fie de cjantant Milvia Biolcati e dal regjist Maurizio Corgnati, cressude intune famee simpri dongje dal artist Spazzapan, un grant ami dal pari Maurizio. Par agnorums, Milva e veve sielt lis oparis di Spazzapan pe sô cjase di Milan. Tal Palaç Morando, Martina Corgnati e sarà in dialic cun Lorenzo Michelli, conservadôr de galarie Luigi Spazzapan di Gardiscje. (A.I.) – 22.05.2025