Daspò di cualchi anteprime, joibe ai 7 al tache a Udin “vicino/lontano” 2026, in program fint a domenie ai 10, cun events di anteprime che a tachin za ai 30 di Avrîl. La vincjesim seconde edizion dal festival, che si fâs sot il grant patrocini dal Parlament european, e previôt passe 80 events – discussions, incuintris, lezions, mostris, spetacui e proiezions – cun a plui di 200 personalitâts dal mont de sience, de leterature, de art, dal intratigniment e dai mieçs di comunicazion. I protagoniscj a judaran il public a rifleti, a resonâ e ancje meti in a dubi lis trasformazions dal mont che o sin daûr a vivi: lis sôs fraturis, lis sôs feridis e dut chel che al covente. L’event centrâl al è chel des 9 sot sere te Glesie di S. Francesc cun Lucio Caracciolo che al fevelarà di “respirâ l’aiar dal timp”, il teme di cheste edizion. Il prin apontament daspò de scree aes 5 e mieze di dopomisdì cun Giovanni Bianconi e Tommaso Piffer, po dopo aes 6, si fevele di Gaza cun Loris De Filippi e aes 6 e mieze il taramot al sarà ancjemò al centri cu la testemoneance di Diego Carpenedo. (A.I.) – 06.05.2026
Foto di L. d’Agostino
