L’omaç a Pasolini di trê grancj artiscj

L’omaç di grancj artiscj a Pier Paolo Pasolini, a cincuante agns de muart, si zonte ae gnove edizion de tradizionâl “Fiesta di San Zuan” a San Zuan di Cjasarse. Fint ai 24 di Jugn, tai spazis dal centri comunitari de parochie, si pues visitâ la mostre “I giorni che volano via come ombre. Omaggio a Pasolini” (I dîs che a svolin vie tant che ombris. Omaç a Pasolini), che al viôt protagoniscj trê grancj nons de art contemporanie in Friûl: Giorgio Celiberti, Cesare Serafino e Angelo Toppazzini. Ducj i trê a jerin presints pe scree e Celiberti, memoreant la grande figure dal poete e regjist, al à dissegnat une colombe de pâs par dute la comunitât di Cjasarse. (A.I.) – 10.06.2025 (A.I.) – 10.06.2025