Lis letaris di Pasolini a une furlane zovine dai agns ‘50

Joibe ai 21 aes 6 di dopomisdì, inte sale di conference de Biblioteche comunâl di Monfalcone sarà fate une leture seniche des “Letaris a Maria Seccardi” di Pier Paolo Pasolini, direte di Lorena Boscarol e Enrico Taunisio. La rapresentazion e je basade su la corispondence jenfri Pasolini e Maria Seccardi, une zovine che al veve cognossût in Friûl daspò de vuere,. I doi a jerin lâts indevant a mandâsi letars in forme vie pai agns Cincuante. Lis letaris a contin un leam profont e tormentât che al passe agns cruciâi inte vite e tal disvilup artistic di Pasolini: dai siei agns in Friûl leâts al romanç “Il sogno di una cosa” fint al so trasferiment a Rome. Cheste iniziative e ufrîs al public la pussibilitât di riscuvierzi une dimension intime e pôc cognossude de vite di Pasolini midiant di une leture seniche che e instrece peraulis, musiche e emozions. (A.I.) – 20.05.2026