Lis fotos di Gurize dividude tal Palaç Attems

La mostre “Back To Peace. La guerra vista dai grandi fotografi magnum” (Tornâ ae pâs, la vuere viodude dai grancj fotografs de Magnum) e je stade inricjide cuntun gnûf percors di esposizion: une racuelte di fotografiis di Gaetano Lazzaro, un dai testemonis plui prolifics de trasformazion urbane di Gurize, conservade te Biblioteche fotografiche dai Museus provinciâi di Gurize. Cheste gnove mostre e je intun dialic direte cun chê di Palaç Attems Petzenstein, creant un confront jenfri la dimension locâl e lis narazions fotografichis plui impuartantis dal conflit e dal secont dopovuere afidadis ai fotografs de agjenzie Magnum Photos. Lis imagjins di Lazzaro a mostrin un dai moments simbolics da storie europeane dal vincjesim secul: la division di Gurize, segnade di un confin che al à vût un grant impat sul teritori, su lis comunitâts e su la vite cuotidiane dai abitants. (A.I.) – 11.03.2026