Lis fotos dai ospits innomenâts di “Dedica” a Sest

Passe cuarante ritrats di scritôrs, inteletuâi e protagoniscj innomenâts de culture che a àn lassât un segn tal nestri timp: e je la mostre “Ritratti eloquenti”, ritrats elocuents, dai 13 di Setembar e fint ai 5 di Otubar tal salon de Badie di Sest. Fate in colaborazion cu la associazion culturâl Thesis, la esposizion e met dongje lis fotos che Basso Cannarsa al à fat in trente agns ai protagoniscj di “Dedica”: Primo Levi e Gillo Dorfles, Federico Fellini e Michelangelo Antonioni, Ian McEwan, José Saramago, Natalia Ginzburg, Luis Sepúlveda, Gioconda Belli, Claudio Magris… Lis selezions a son stadis fatis dal critic di art Angelo Bertani e di Claudio Cattaruzza, il diretôr artistic di Dedica. (A.I.) – 12.09.2025