42
La mostre “Le forme della città” (Lis formis de citât) cu lis fotografiis di Gabriele Basilico che si è vierte te Galarie “Tina Modotti” di Udin e je la anteprime de tierce edizion de rassegne “Collega-menti”, promovude de Universitât dal Friûl, cu la poie de Regjon F-Vj e de fondazion Friuli. Curade di Andrea Elia Zanini, fate in colaborazion cul archivi di Milan dal artist, la mostre e presente pe prime volte a Udin lis oparis di Gabriele Basilico (1944-2013), un dai mestris de fotografie contemporanie. Vierte fint ai 12 di Otubar, e presente une selezion di 14 fotos che a contin la citât tant che un organisim vîf, bon di mudâ cence polse. (A.I.) – 23.09.2025
Foto dal archivi G. Basilico di Milan
