LeggerMente, al è il moment des ultimis storiis

Daspò di une stagjon plene di emozions, ai 7 di Març Nicola Lagioia al sarà l’ospit di sierade di “LeggerMente” cuntune lezion (une “lectio magistralis”) dal titul “Presto saprò chi sono” (In curt o savarai cui che o soi), une lezion “su la art di contâ storiis traviers la leterature, di Omêr al dì di vuê”. In pôc plui di une ore, tal cine “Splendor” di S. Denêl, Lagioia al contarà il lunc viaç de leterature e la sô impuartance pe nestre educazion sentimentâl, e ancje pe nestre evoluzion. (A.I.) – 06.03.2025