Al à sielt Pordenon pe prime presentazion in Italie dal so gnûf libri, “Filosofiia minima del pendolare” (Filosofie minime dal pendolâr), jessût par Iperborea ae fin di Zenâr. Björn Larsson, il pluripremiât scritôr, tradutôr, filolic, docent universitari, apassionât velist, e un dai autôrs svedês plui cognossûts ancje in Italie, al sarà joibe ai 6, aes 8.45 sot sere, intal convent di S. Francesc, in dialic cun Claudio Cattaruzza, il curadôr dal festival “Dedica”. La serade e je organizade di fat de associazion culturâl Thesis cu la poie de Regjon inte suaze dal calendari anuâl “Dedic Incontra”. E l’incuintri al ven fûr propit dal leam afetuôs che Larsson al à di timp cu la citât, daspò de partecipazion al festival leterari intal Març dal 2017. (A.I.) – 04.02.2025
Foto di B. Rizzi