L’archivi teatrâl di Castiglione in ‘trasfierte’ a Vignesie

Pôcs agns prime de sô muart, intal 2016, Rodolfo Castiglione al à lassât il so grant archivi al Ente Regjonale Teatralel, la struture che al veve contribuît a fondâ intal 1969 e che al à diret par plui di trente agns. L’Archivi Rodolfo Castiglione, dopo une lungje fase di analisi e ricercje, al è vuê une testemoneance preziose e preseade di plui di 60 agns di storie dal teatri e de culture furlans. Propit dal Archivi, curât di Claudia Valente, a vegnin i materiâi che a contribuiran a impreziosî doi events leâts ae figure di Pasolini a Vignesie: la mostre “Luigi Nono, I Turcs tal Friûl di Pier Paolo Pasolini”, inte glesie di Sant Laurinç dai 5 di Novembar, e une cunvigne che e met Pasolini a confront cun David Maria Turoldo e Ernesto Balducci, ai 17 di Novembar a Palaç Ca Dolfin. (A.I.) – 03.11.2022