56
Cinemazero al à dât acet al ambassadôr messican in Italie, Genaro Lozano, a Pordenon par fâ un zîr dai archivis plui grancj dal mont dedicâts a Tina Modotti, la fotografe e atore nassude a Udin ma innomenade soredut te Americhe. Chei di Pordenon a stan dentri dal gnûf archivi fotografic e audiovisîf controlât dal clime di Cinemazero, tirât sù di pôc timp cu la poie de regjon Friûl-Vignesie Julie. L'ambassadôr al à podût viodi une selezion di fotografiis origjinâls straordenaris di Tina Modotti - passe 300 - inte Mediateche di Cinemazero, là che si cjatin rivistis e publicazions di epoche, une biblioteche dedicade, desenis di cines, documents e letaris. Propit in spiete dal cent trentesim aniversari de nassite di Tina Modotti, Cinemazero al à za fat une propueste uficiâl al Comun di Udin pe creazion di un museu permanent dedicât ae artiste, metint a disposizion la sô grande colezion di materiâi. L'ambassadôr al à preseât ancje la proiezion di cualchi toc dal unic cine che al è restât cun protagoniste Tina Modotti, “Tiger's Coat”, riscuviert e restaurât de Cineteca del Friuli in colaborazion cun Cinemazero. (A.I.) - 25.02.2026
