La voltade ‘biopsichiche’ dal dotôr Franc Fari

Martars ai 11, aes 6 di dopomisdì inte Librarie “Friuli” di Udin, il miedi, neurolic e scritôr furlan Franc Fari, autôr di centenârs di lavôrs sientifics e di une ventine di libris cun caratar sientific, al presentarà il so ultin lavôr “La svolta biopsichica” in dialic cun Francesco de Stefano, scritôr e ex insegnant dal Liceu Sientific “G. Marinelli”. I temis tratâts in chest saç, curt ma penç di contignûts significatîfs pal sienziât, pal filosof e par cualsisedi vuê si ocupi in cualchi mût dal om, a pontin a une ridefinizion gjenerâl dai ordenaments che a rivuardin lis creaturis viventis, rivant a tratâ ancje temis tant che il timp, la sience e lis leçs che a regolin la materie e la energjie. (A.I.) – 10.02.2025