La vite daspò de tragjedie

“La vita trionfa”, La vite e trionfe, la mostre di Maria Grazia Renier dedicade al taramot, ospitade a Glemone, inte ex librarie “Il pensiero” de plaçute Portuzze, e je a vierte ancjemò par un pâr di setemanis, dal vinars fint ae domenie, cun oraris di viertidure bogns ancje pai students. La mostre de artiste che e e je a sta a Glemone e esplore diviers aspiets dal taramot dal 1976 midiant di oparis grafichis e pituris che a fasin ricognossi lûcs, edificis che a no esistin plui e edificis storics tornâts a tirâ sù (dal Domo a Cjase Gurisatti). Cetantis oparis a son stadis fatis tai agns Otante, invezit altris a son stâts creâts vie pal timp, enfatizant l’aspiet uman e invidant a mudâ il patiment intune riprese fuarte. “O ai piturât – e sclarìs la autore – che si cjatavin par zuiâ a cjartis, o par fâ cuatri cjacararis in mût positîf, o par gucjâ, par messedâ la polente o dome di bessôi, ma par sburtâ une vision positive, mostrant la vie par mudâ trasformâ il patiment intune vite gnove”. (A.I.) – 11.05.2026