La vite dal poete su une schirie di panei a Palme

Si scree sabide ai 22 aes 11 di buinore tal atri dal municipi di Palme Une mostre dedicade a Pier Paolo Pasolini, une celebrazion pal cincuantesim aniversari de sô muart. Un piçul tribût ae figure plui impuartante de sene culturâl taliane inte seconde metât dal secul passât, la mostre e je curade di Mario Brandolin (pai tescj) e Renato Danelone (la grafiche). In esposizion une desene di panei che a mostrin il viaç personâl e artistic di Pasolini, scomençant dal 1942 al 1949, cuant che il poete al jere a stâ a Cjasarse, intune tiere che al jere ancjemò une vore rurâl. I prins cinc panei a descrivin Pasolini e il Friûl, la sô discuvierte da lenghe furlane e il so impegn politic, invezit la seconde sezion e cjape dentri i siei agns a Rome fint ae sô muart tal 1975 e e je dedicade ai siei romançs, ae poesie, al cine e cussì indenant. (A.I.) – 20.11.2025