La storie platade di Pasolini e Maria Seccardi

Un leam platât par passe sessante agns, un dialic epistolâr potent e fin, une storie di amôr e amîs restade tal cidinôr fint al dì di vuê. Sabide ai 10 di Mai, a S. Vît dal Tiliment e a Cjasarse, al sarà inmaneât un dopli apontament che al torne a presentâ une part pôc cognossude de vite di Pier Paolo Pasolini, in graciis de prime presentazion dal volum “Lettere a Maria Seccardi” (jessude par Ronzani Editore un pâr di mês indaûr) e de viertidure de mostre leade al libri, “Quel profumo di viole. Lettere di Pier Paolo Pasolini a Maria Seccardi”. La narazion prime de scree de mostre e previôt lis leturis senichis dai atôrs Rita Maffei e Massimo Somaglino, che a daran vôs aes peraulis dal scritôr e di Maria in chel che al è un dai prins events pai cincuante agns de muart di Pasolini. (A.I.) – 08.05.2025