La storie esemplâr di sîs nobilis furlanis dal passât

Benefatoris, scritoris, leteradis, imprenditoris: a son lis figuris femininis de nobile cjasade dai Claricini Dornpacher, al centri de conference “Le donne de Claricini dal medioevo al XX secolo”, in program vinars ai 26, aes 4.30 dal dopomisdì al Pôl universitari Santa Clara di Gurize, inte suaze dal festival “èStoria”, cun intervents di Oldino Cernoia, Liliana Cargnelutti, Emanuela Accornero e Stefano Cosma. A son sîs lis componentis de famee aristocratiche, vivudis fra il 1400 e il 1900 tra Cividât, Gurize e Padue, che a son stadis ogjet di studis, su la base di documents di archivi ancjemò inedits. Dutis feminis che, ancje se a son vivudis te ombre de famee e in particolâr des figuris masculinis, a son rivadis a distinguisi intal mont de culture, de economie, des arts e no dome. (A.I.) – 25.05.2023