Robida al è il non di un grup che al à sede a Topolò/Topolove, un piçul paîs di 25 abitants al confin jenfri il Friûl e la Slovenie. Robida e je ancje une des vôs di “Mind The Gap”, un progjet dedicât aes arts visuâls contemporaniis, pensât e promovût di Altreforme, che chest an al zire ator de mostre “Dall’evidenza alle immagini” (Des provis aes imagjins), vierte al public te Cjase Cavazzini a Udin fint ai 24 di Mai. Il lavôr dal coletîf al sarà al centri di un event viert a ducj, programât par joibe ai 9 aes 6 e mieze di dopomisdì tal Museu udinês di Art contemporanie: une conversazion vierte al public dal curadôr de mostre Lorenzo Lazzari cul coletîf, par discuti dal lavôr fat a Topolò e dai scambis culturâi che a son stâts vie pai agns. (A.I.) – 08.04.2026
Foto di E. Rucli
