La storie di Gurize viodude de place

Tornâ a scuvierzi lis lidrîs, la storie e la identitât multiculturâl di Gurize, scomençant dal cûr da citât: la place Vitorie di vuê. Cheste e je la prospetive uniche dal libri “Gente di Piazza Grande” (Int di place grande) di Nicolò D’Avola, ven a stâi la place di Gurize contade traviers lis testemoneancis des personis che a vivevin culì. Il libri al sarà presentât vinars ai 30 aes 6 di dopomisdì tal auditorium comunâl di Roncjis di Monfalcon pe serie “Noi e la Storie” (Noaltris e la Storie), inmaneade de Biblioteche Comunâl ”Sandro Pertini”. La opare, publicade in trê lenghis e inricjide di cartulinis de epoche e documents storics, e mostre cuasi mil agns di storie, de nassite dal paîs sot dal cjistiel fint in dì di vuê, lant a cirî un itinerari circolâr dentri de place, descrivint la sô architeture, i events storics e il so timp cuotidian. (A.I.) – 29.01.2026