La storie antighe e devente un cine

Cine e archeologjie par trê seradis cuntun program plen di apontaments pe decime cuinte edizion dal “Aquileia Film Festival”, rassegne internazionâl di cine archeologjic inmaneade de Fondazion Aquileia cun Archeologia Viva e Firenze Archeofilm. La Mesopotamie, Persepoli, Vignesie, Iznik in Turchie, la isule di Pantelleria e l’Egjit antîc a saran i lûcs protagoniscj des cinc zornadis di cine (cul “Premi Aquilee” par chel plui preseât e votât dal public) e archeologjie di martars ai 30 fint ai 6 di Avost, che a puartaran ducj in viaç tai patrimonis de Unesco dal Mediterani. Al centri di dut, cinc sîts di valôr culturâl e naturalistic, a risi parcè che menaçâts dal om o de stesse nature. Il program plen di apontaments al previôt ogni sere, jenfri lis proiezions dai cines, conversazions cui ospits intervistâts di Piero Pruneti su temis di grande atualitât. Par chel che al rivuarde i cines, si tache cu la riscuvierte dai tesaurs dal Irak e i segrets di Persepoli. Martars ai 6 di Avost si siere cu la proiezion in prime vision di “Riccardo Muti ad Aquileia dirige il Concerto per la Pace”. (A.I.) – 29.07.2024