La sielte di une mari: dongje dal fi

A son moments che la vite nus presente un incrosament, dulà che un cjamin al è in sù, dificil ma cu la promesse di une grande sodisfazion, e chel altri al è plan, comut ma cence grandis prospetivis pal avignî. Cuâl sielzi? Ognidun al valute lis sôs abilitâts e al devente cussient di ce che si insumiave, e cussì e à fat Maria Gariup, che e si è metude dilunc di un percors imberdeât e ert, savint che prin o daspò il sfuarç al varès paiât. E cussì, Maria, une contabile di Muimans nassude tal 1968, e à lassât il lavôr a 51 agns par tornâ a scuele e otignî un diplome di tecniche agricule tal Istitût “Paolino d’Aquileia” a Cividât, in maniere che so fi Alessio, che al è autistic, al podès fâ il stes. Il libri nassût di chê esperience, “Accanto a te”, Dongje di te, al sarà presentât de autore miercus ai 3 aes 6 sot sere inte biblioteche “Joppi” di Udine, te sale “Tito Maniacco”, in dialic cun Anna Dazzan. (A.I.) – 02.12.2025