Dai 6 di Jugn ai 20 di Setembar sessanteun Comuns dal Friûl-Vignesie Julie a daran acet a une schirie di apontaments, ben 68, par fruts e frutis e ancje pes lôr fameis, cul obietîf di svicinâ i plui piçui ae leture e ai libris, creant stradis alternativis e trois fûr dal normâl, ancje midiant lengaçs diviers e complementârs.
La rassegne “La strada dei libri passa da…”, che chest an e je rivade ae setime edizion, e fâs part dal progjet di promozion de leture de Regjon Fvg “LeggiAMO 0-18”, ancje in graciis de colaborazion des aministrazions comunâls cjapadis dentri, des bibliotechis e dai sistemis bibliotecariis. Il progjet al è stât pensât e prodot di Damatrà Onlus.
Si tache ai 6 di Jugn, cuant che a Palme al sarà il prin apontament cu lis Storiis de aghe par cure di Luca Zalateu. (a.d.g.) – 04.06.2024
