La Seconde vuere in Cjargne: un libri di une storie vere

A Feagne a Cjase Cocèl, vinars ai 14 aes 6 di dopomisdì, al rive in gnûf apontament des “Conversazions in ostarie” cu la presentazion dal ultin libri di Raffaella Cargnelutti, “L’altra guerra”, La altre vuere, in dialic cun Cristina D’Angelo. Impegnade di agns a contâ la sô Cjargne in romançs, saçs e racueltis di flabis e liendis, in chest volum e conte la storie di mari e fie e dal lôr albierc a Prât tal ultin an de Seconde vuere mondiâl. Ispirât a une storie vere, il romanç al ricuarde che lis vueris no son dome che lis bataiis, ma un traume par ducj. (A.I.) – 13.11.2025