La scuele “Pasolini” di Potenza tal Centri “Pasolini” di Cjasarse

Al è scomençât a Cjasarse cu la visite di une scuele superiôr di Potenza il progjet «Il tempo ritrovato», il timp cjatât fûr, ideât dal Centri Studi “Pier Paolo Pasolini”, che e à la sô sede te cjase Colussi. Il progjet al è un percors culturâl difondût fat di incuintris, lezions e visitis tai lûcs di Pasolini. Al è stât progjetât par promovi une rêt jenfri scuelis, studiôs e la comunitât locâl, puartant il pinsîr e la opare dal inteletuâl tai lûcs plens di vite. De formazion. La iniziative e je ancje un prin pas dal progjet “Pasolini. Tutto è poesia” (Pasolini. Dut al è poesie), che al sarà un dai events al centri dal program par Pordenon Capitâl taliane de culture dal 2027. I students dal liceu sientific “Pier Paolo Pasolini” di Potenza a àn partecipât a une lezion dedicade al rapuart di Pasolini cul Friûl e po dopo a àn visitât sedi il centri studis di Cjasarse, sedi la citât di Pordenon. (A.I.) – 21.04.2026