39
Si intitule “Il mio campione è” e al sarà presentât martars ai 26 a Pordenon, aes 6 dopomisdì te sale “Degan” de biblioteche comunâl, il libri scrit di Marianna Vento, une insegnante siciliane che di passe vincj agns e je a stâ e e lavore a Pordenon. Intal libri e conte la storie di so fi Christian, che al à 23 agns, nassût cuntune malatie rare, anzit une vore rare daûr dai miedis, une di chês che nissun al à mai sintût nomenâ, la “sindrome di Goldenhar”. La conte di Marianna e cor vie cun rabie, lagrimis, frustrazion, pôris, duliment, dubis, sens di colp e ingôs, lotant ogni dì par cirî di rivâ ae “normalitât”. Il rigjâf dal libri al sarà destinât ae associazion “La biblioteca di Sara”. (A.I.) – 25.03.2024
