La regjon a plen te Fiere dal Libri di Torin

Progjets editoriâi e culturâi, autôrs e cjasis editoriâls, storiis, poesie e identitât par contâ la “centralitât” di un teritori di confin. Li de “cjase” de regjon Friûl-Vignesie Julie tal “Lingotto” di Torin, il program lunc ducj e cuatri i dîs al cjape dentri i grancj autôrs e lis anteprimis di no pierdi. Un program di 32 events in cuatri dîs – di joibe ai 14 fint a domenie ai 17 – te Fiere Internazionâl dal Libri di Torin, cun passe 70 vôs de nestre leterature e autôrs di saçs, di poesie, di art, di gjornalisim e dal spetacul, par un viaç traviers des peraulis, dai ricuarts e des visions contemporaniis. Une conte corâl creade doprant cetantis lenghis (narative, saçs, poesie, art, musiche e romançs grafics) par comunicâ la identitât vivarose, plurâl e “centrâl” di un teritori di confin. (A.I.) – 13.05.2026