107
Ultin apontament dal mês di Lui pe vincjesime setime edizion dai Incuintris cul autôr e cul vin, la rassegne promovude da associazion Lignano nel Terzo Millennio vuidade di Giorgio Ardito, e curade dal scritôr Alberto Garlini, dal tecnolic alimentâr Giovanni Munisso e dal enolic Michele Bonelli. Joibe ai 31, tal PalaPoneta dal Parc dal Mâr, in dialic cul curadôr de rassegne, Giordano Bruno Guerri al presente il saç “Storia del mondo. Dal Big Bang a oggi”, là che al conte ducj i events plui impuartants de storie, dal aparì dal om fint al dì di vuê, par scuvierzi intune maniere gnove la plui grande storie mai contade: la nestre. Di cerce, il vin Pinot Grîs de societât agricule “Butussi” di Cuar. (A.I.) – 30.07.2025
