La partide plui straordenarie di simpri

Marino Bartoletti al sarà a Culugne vinars ai 23 par presentâ cun Stefano Boscariol il so ultin libri “La partita degli dei”, jessût par Gallucci, al teatri “Luigi Bon” aes 8:30 sot sere (si jentre a gratis). Il romanç al fâs imagjinâ al letôr une “partide dai dius” intun “stadi” straordenari cuntun public e zuiadôrs ancjetancj straordenaris. Di une bande la “Serie A” di Maradona, Vialli, Meroni, Facchetti, Scirea, Paolo Rossi e Valentino Mazzola, di ch altre la scuadre “foreste” di Pelé, Cruijff, Eusébio, Di Stéfano, Puskás, Jašin e Best. Une narazion cuasi in forme di flabe, scrite di un dai plui innomenâts gjornaliscj talians, che al à condot trasmissions storichis pe television e al è ancje un grant espert di musiche! (A.I.) – 22.02.2024