La musiche classiche e devente une conte

Te cort di Palaç Morpurgo a Udin, la rassegne “Armoniis te citât” e presente un event speciâl pensât par svicinâ ae grande musiche ii fruts, i adolessents e i grancj, midiant dal plasê di contâ e di scoltâ storiis. Joibe ai 27 aes 6 di dopomisdì la scritore Chiara Carminati e la musiciste Giovanna Pezzetta a presentaran “La ultime fughe di Bach”, un conciert leture dedicât ae vite e ae musiche di Johann Sebastian Bach. Un mût origjinâl, lizêr e che al cjape dentri par cognossi un dai plui grancj compositôrs di ducj i timps, presentant cutuardis personaçs che a vuidin il public a traviers di episodis, incuintris e moments de sô vite, contant la storie, la musiche e il timp di Bach. Un spetacul che lis gjenerazions diferentis a puedin condividi, e che al è progjetat in mût che sedi i fruts sedi i grancj a puedin jessi intrigâts de figure di Bach, scuvierzint che la musiche classiche e pues deventâ storie, comedie, imagjinazion e emozion. (A.I.) – 26.08.2026